Los Annales Maximi: primeros albores d'historia de Roma.

Bustu de Cicerón de Karl Sterrer (Viena, Austria)
[...]
— Ye asina —dixo Cátulo— toi d’alcuerdu.
— Pero entós —contestó Antonio— ¿qué clas d’orador y cómo de buena crees tu que ye la persona que sía a escribir Historia?
— Si escribe como lo fixeron los griegos, cimera —dixo Cátulo— si lo fai como los nuestros [los romanos], nun ye xera d’orador, conque nun sía mentirosu yá val.
— Igualmente, nun menosprecies a los nuestros. —retrucó Antonio— Hasta los griegos enxarmaben tamién asina al principiu, como’l nuestru Catón, como Píctor, como Pisón. En realidá la historiografía nun yera más qu’un ensame d’añales y, pa mantener los sos fechos y memoria públicos, desde los comienzos de Roma hasta’l pontificáu de P. Mucio, el Pontífice Máximu mandaba escribir en cartes toles coses asocedíes cada añu y rexistrábales nuna tabla blanca que colgaba en frente de casa pa que’l pueblu pudiera conocelos. Estes, amás, agora llámense Añales Máximos.

»Munchos imitaron esta forma d’escribir y sin ornamentos escribíen namás que los testimonios de les feches, les persones, los llugares y los acontecimientos. Griegos como Ferecides, Helánico o Acusilas y permunchos otros fixéronlo asina, del mesmu xeitu los nuestros Catón, Pictor y Pisón, que nun sabíen con qué recursos decorar un discursu (darréu que nos llegaron va apocayá) y que pensaben que la brevedá yera un méritu mientres s’entendiera lo que queríen dicir. 
[...]
  Cic. De Orat. II, 52-53


De Oratore (Sobre l'orador) ye una obra de Cicerón estructurada en tres llibros qu'escribe pal so hermanu Quinto. Con formatu de diálogu, como tamién fixera Platón, introduz reflexiones sobre la oratoria ya instrucciones sobre cómo ser orador. 

Esti cachu, correspondiente a los apartaos 52 y 53, fala sobre la relación del orador cola Historia. Protagonistas d'esti fragmentu de diálogu son Cátulo y Antonio. Cátulo menta la elaboración literaria de la historiografía griega (vid. Heródoto y Tucídides), contraponiéndola a la simpleza del llinguax de los llatinos, mientres Antonio esplica el por qué del formatu llatinu y, más alantre (fuera d'esti fragmentu), defende cómo tien que llegar a algamar la perfección literaria de los griegos.

Nesti fragmentu méntense los Annales Maximi  (Añales Máximos), que tamién mentaba Aulio Xelio (Gel 2, 28) nes sos Noctes Atticae (Nueches átiques), que sirvieron como fonte tanto pa historiadores llatinos como posteriores pa conocer fechos y situalos nel tiempu y, amás, pueden considerase los antecesores de la xera historiográfica en Roma.

"Historia vero testis temporum, lux veritatis, vita memoriae, magistra vitae, nuntia vetustatis [...]" (Cic. De Orat. II, 36)
Verdaderamente la historia ye testigu del tiempu, lluz de la verdá, vida del recuerdu, mayestra de la vida, mensaxes de los antiguos [...]

Entradas populares de este blog

El papiru: hestoria, tipos y fabricación según Plinio el Vieyu

Imagen
[...]  [68] Tovía nun toquemos les plantes d’agua nin los arbustos de ríu, sicasí antes d’apartanos del tema d’Exiptu, vamos falar de la naturaleza del papiru, por depender la vida humana del gran usu del “papel”(1), y ciertamente la memoria. [69] Según el autor M. Varrón, esti inventóse cola victoria d’Alexandru Magnu una vez fundó Alexandría n’Exiptu(2). Antes nun hubo usu de papel: nes fueyes de les palmeres primero s’escarabayaba, d’ehí en corteza de ciertos árboles. Depués los documentos públicos escribiéronse en volúmenes de plombu, en siguida tamién se facíen asuntos privaos en tela o cera. Atopamos l’usu de tablilles antes inclusu de tiempos de Troya en Homero, pero avanzando él que nun ye la mesma tierra qu’agora s’entiende por Exiptu, yá que en Sebenítico y Saite, provincía suya(3), naz tol papel, tierra añadida depués al Nilu.
Lleer más »

El xatu de dos cabeces

Imagen
Mañana cuando los mozos de la granxa atopen esta rareza de la natura, envolverán el so cuerpu en papel de periódicu y apurriránlu al muséu. Pero esta nueche ta vivu y nel campu norte cola madre. Ye una nueche de branu perfecta: la lluna risca p'enriba la güerta, el vientu nel prau. Y mientres observa'l cielu, hai el doble d'estrelles que de normal. Orixinal: Two-Headed Calf Tomorrow when the farm boys find this freak of nature, they will wrap his body in newspaper and carry him to the museum. But tonight he is alive and in the north field with his mother. It is a perfect summer evening: the moon rising over the orchard, the wind in the grass. And as he stares into the sky, there are twice as many stars as usual.                                                            Laura Gilpin  
Lleer más »

Saturnales: fiestes de Navidá dedicaes al dios del cuchu.

Imagen
¿Por qué se celebra la Navidá n’avientu?  Muncha xente cree que la Navidá ye una fiesta esclusivamente cristiana y que debemos agradece-yla a aquel presuntu fíu de Dios que presuntamente nació n’avientu. ¿Ye esto verdá? Sin entrar, lo menos de momentu, nel tema del nacimientu de Xesucristo, lo más probable ye que naciera pa marzu o abril, y non n’avientu. ¿Entós por qué se celebra nesti mes la Navidá? Los cristianos, nel so intentu de convertir paganos a la so relixón, tuvieron qu’adaptase de munches maneres. Una d’elles foi facer coincidir les sos fiestes coles que yá existíen, pa mayor aceptación, o incluso asimilar elementos d’eses tradiciones orixinales, casu de l’Árbol de Nadal, que se toma de les cultures nórdiques, del Yggdrasil, árbol sagráu que representa l’universu. Pero lo central de la Navidá vien de les Saturnales romanes, como la fecha, los banquetes, la familiaridá, etc. Yeren les Saturnales les fiestes d’avientu de los romanos, y p’aprender el so orixe v
Lleer más »