Esta sección del blogue llámase Guía de viaxes «Exeria» conmemorando a la escritoria Exeria (Egeria), que fixo una guía de viaxes (itinerarium) del sieglu IV per diversos territorios del mundu romanu. Exeria yera hispanorromana nativa de la provincia de Gallaecia, probablemente del Bierzu, y por tanto presumiblemente d'orixe astur, anque la so biografía nun ta clara. Too esto, y por ser de les poques autores femenines que nos lleguen de l'Antigüedá, ye abondo pa da-y el nome d'esta sección.
Cuando conoces el llegáu clásicu y viaxes per Europa y el Mediterraneu (y sorprendentemente tamién fuera d'esti continente) ye imposible nun ver Grecia y Roma per dayuri. La cultura clásica recibe esti nomatu porque foi referencia hasta los nuesos díes, tanto ye asina que ye imposible nun ver la so güelga y les sos referencies a cualquier sitiu que vayas.
Imitando a Exeria, pretendo nesta sección facer un pequenu itinerarium de los sitios que voi conociendo y toles referencies clásiques que voi atopando. Si tas interesáu/ada nel mundu clásicu, yera bueno que guardaras esta web y estes recomendaciones pa planificar los tos futuros viaxes y poder profundizar un poquiñín más na pervivencia de la Grecia y Roma antigües mientres fais turismu.
