El terror del raptu y la violación: Una descripción d'Ovidio.

Ún de los mitos nacionales romanos más conocíos ye'l del raptu de les sabines. Sobre esti mitu tengo preparaes unes tornes de fontes romanes y escritos un par de comentarios qu'espublizaré más alantre. Sin embargu, esta selmana n'España vivimos la mediatización d'una condena por violación d'un grupu d'homes a una moza nun ambiente festivu, el de los San Farmines de Pamplona/Iruña. Los fechos qu'acaecieron tán narraos nun documentu de cientos de páxines disponible al públicu, del que munchos lleímos fragmentos, especialmente los del momentu de l'agresión a la víctima.


Casualmente, esta mañana taba relleendo unes tornes que fici d'Ovidio sobre'l raptu de les sabines. Según esti mitu, los romanos convidaron a les muyeres sabines, colos sos maríos, a unos xuegos públicos onde aprovecharon pa, en masa, raptales y llevales como esposes. 

Los reflexos d'estos actos d'una dómina de salvaxismu humanu perduraron na tradición oral y escrita romana y podemos lleelos tovía güei. La narración personal d'Ovidio sobre'l terror que vivieron les víctimes abúltame actual y realista, seique merecedor de lleese en públicu ante los que xulguen l'estáu de la víctima de violación, miles d'años más tarde, tamién nun ambiente festivu. El fragmentu, de la obra Ars Amatoria (comentaremos sobre ello otru día) ye'l siguiente:

Vuelven a mirar y colos güeyos observa caún a la rapaza
que quier pa sigo, removiéndose enforma col pechu calláu.
Una tuba etrusca da entrada a esta manera ruda,
y mientres un baillarín percute tres vueltes el suelu,
en metá d’un aplausu (vezu que nun teníen daquella)
el rei dio al pueblu la señal que queríen pa la rapiña.
Darréu salieron al blincu, espresando con glayíos el so ánimu,
y echaron les manes deseoses sobre les moces.
Como les palombes fuxen de les águiles nuna turba temerosa,
como una corderina fuxe de los terribles llobos,
asina atarrecíen elles a los homes que se llanzaben embaruyaos.
A nenguna-y quedaron los colores que tenía antes,
pues el terror ye únicu, pero nun hai una única cara de terror;
unes arrancábense’l pelo, otres quedaben sentaes fuera de sí,
una callaba murnia, otra llamaba a la madre inútilmente,
esta berraba, aquella quedaba ablucada; esta permanecía, aquella fuxía.
Llévense a les moces raptaes como presa matrimonial,
y a munches-yos convenía más el mieu;
Si dalguna se resistiera demasiao o refugara al so candidatu,
l’home, deseosu del so senu, llevábala sometida.

Ovidio. Ars amatoria. I. 109-129 

Entradas populares de este blog

El papiru: hestoria, tipos y fabricación según Plinio el Vieyu

Imagen
[...]  [68] Tovía nun toquemos les plantes d’agua nin los arbustos de ríu, sicasí antes d’apartanos del tema d’Exiptu, vamos falar de la naturaleza del papiru, por depender la vida humana del gran usu del “papel”(1), y ciertamente la memoria. [69] Según el autor M. Varrón, esti inventóse cola victoria d’Alexandru Magnu una vez fundó Alexandría n’Exiptu(2). Antes nun hubo usu de papel: nes fueyes de les palmeres primero s’escarabayaba, d’ehí en corteza de ciertos árboles. Depués los documentos públicos escribiéronse en volúmenes de plombu, en siguida tamién se facíen asuntos privaos en tela o cera. Atopamos l’usu de tablilles antes inclusu de tiempos de Troya en Homero, pero avanzando él que nun ye la mesma tierra qu’agora s’entiende por Exiptu, yá que en Sebenítico y Saite, provincía suya(3), naz tol papel, tierra añadida depués al Nilu.
Lleer más »

El xatu de dos cabeces

Imagen
Mañana cuando los mozos de la granxa atopen esta rareza de la natura, envolverán el so cuerpu en papel de periódicu y apurriránlu al muséu. Pero esta nueche ta vivu y nel campu norte cola madre. Ye una nueche de branu perfecta: la lluna risca p'enriba la güerta, el vientu nel prau. Y mientres observa'l cielu, hai el doble d'estrelles que de normal. Orixinal: Two-Headed Calf Tomorrow when the farm boys find this freak of nature, they will wrap his body in newspaper and carry him to the museum. But tonight he is alive and in the north field with his mother. It is a perfect summer evening: the moon rising over the orchard, the wind in the grass. And as he stares into the sky, there are twice as many stars as usual.                                                            Laura Gilpin  
Lleer más »

Saturnales: fiestes de Navidá dedicaes al dios del cuchu.

Imagen
¿Por qué se celebra la Navidá n’avientu?  Muncha xente cree que la Navidá ye una fiesta esclusivamente cristiana y que debemos agradece-yla a aquel presuntu fíu de Dios que presuntamente nació n’avientu. ¿Ye esto verdá? Sin entrar, lo menos de momentu, nel tema del nacimientu de Xesucristo, lo más probable ye que naciera pa marzu o abril, y non n’avientu. ¿Entós por qué se celebra nesti mes la Navidá? Los cristianos, nel so intentu de convertir paganos a la so relixón, tuvieron qu’adaptase de munches maneres. Una d’elles foi facer coincidir les sos fiestes coles que yá existíen, pa mayor aceptación, o incluso asimilar elementos d’eses tradiciones orixinales, casu de l’Árbol de Nadal, que se toma de les cultures nórdiques, del Yggdrasil, árbol sagráu que representa l’universu. Pero lo central de la Navidá vien de les Saturnales romanes, como la fecha, los banquetes, la familiaridá, etc. Yeren les Saturnales les fiestes d’avientu de los romanos, y p’aprender el so orixe v
Lleer más »